Populli shqiptar nuk do të paguaj kurrë më për fytyrën e përgjakshme të Serbisë

Shkruan : Xhevat Bislimi

Janë shpeshtuar deklaratat e disa diplomatëve dhe qendrave të ndryshme të vendosjes se “Serbisë duhet t’i ruhet fytyra”, se “zgjidhja e cështjes së Kosovës duhet të jetë e pranueshme edhe për Serbinë”, se “serbët nuk duhet të ndjehen të humbur”, etj. Jo zotërinj diplomatë! Shqipëria dhe tokat e saj që nga lufta serbo-turke (1876-1878) janë përdorur si monedhë për kusuritje. Shteti serb është krijuar dhe zgjeruar në kurriz të tokave të Shqipërisë. Madje edhe Beogradi për herë të parë u bë qytet “serb” në vitin 1806. Në emër të “ruajtjes së fytyrës së Serbisë” (nën presionin kryesisht rus) diplomacia evropiane sakrifikoi më shumë se gjysmën e popullit shqiptar dhe të Shqipërisë. Ju zotërinj diplomatë dhe ju qendra të fuqishme të vendosjes, bashkë me ne, jeni dëshmitarë se shkaktare e të gjitha luftërave në Ballkan ishte Serbia. Edhe këto luftërat e fundit në territorin e asaj që quhej Jugosllavi i shkaktoi Serbia. Kjo Serbi dhe ky popull që quhet serb është fajtor për vrasjen, dhunimin, masakrimin dhe dëbimin e mbi dy milionë shqiptarëve vetëm nga viti 1912 e këtej. Kjo Serbi dhe populli serb (jo regjimet serbe sic mundohet të thotë dikush) ka bërë gjenocid dhe holokaust ndaj popullit shqiptar. Kjo Serbi, për fytyrën e së cilës po angazhohen disa diplomatë evropianë, ka djegur dhe shkatërruar mbi 500 mijë shtëpi dhe prona të shqipatrëve vetëm pas vitit 1912 e këtej. Kjo Serbi është fajtore e drejtëpërdrejtë edhe për vrasjen, dhunimin, masakrimin dhe dëbimin edhe të qindra mijëra njerëzve të kombeve dhe kombësive të tjera brenda kufijve të dhunshëm të Jugosllavisë së kralëve dhe të Titos e Miloshevicit. Vetëm nga Vojvodina kjo Serbi pas Luftës së Dytë Botërore ka dëbuar me dhunë rreth 600 mijë gjermanë. Nëse është kështu dhe s’ka si të jetë ndryshe, atëherë si mund të ruhet fytyra e përgjakshem e këtij shteti dhe këtij populli? Secili duhet të ruaj fytyrën e tij. Kohët kur fytyrën e Serbisë e “ruante” (paguante) populli shqiptar dhe tokat e tij ka përfunduar përgjithmonë. Sot, kombi shqiptar në trojet e tij në Ballkan dhe në shumë vende të tjera nëpër botë është faktor dhe aktor i patejkalueshëm. Ju vjen mirë, s’ju vjen mirë pak rëndësi ka. Duhet ta kuptoni se në Ballkan nuk vendosin më vetëm serbët e grekët. Pa shqiptarët nuk mund të vendoset as për paqe as për luftë… Kush do ta ruaj fytyrën e përgjakshme të Serbisë le t’i jap asaj nga tokat e tij dhe nga liria e vendit të tij… Shqiptarët janë mbështetur me shpatulla për muri. Nuk kanë ku të shkojnë më, nuk mund të lëshojnë më toka të tyre dhe liri nga liria e tyre në të mirë të fytyrës më të përgjakshme në Ballkan. Shpresojmë se edhe SHBA-ja këtë herë do të jetë në anën e të drejtës së popullit shqiptar për vetëvendosje, jetë të lirë dhe të pavarur nga Serbia…