Shqipëria Natyrale po lind nga «Monumentet» dhe «Deti i Flamujve»

Shkruan Koço Danaj

Ishte dukuria më e qënësishme e Festave të Nëntorit. Në hapsirën shqiptare brënda dhe jashtë Shqipërisë aktuale, nuk pati vetëm përkujtim të ëndrrës së Shqipërisë Natyrale siç ështӕ 28 nentori 1912. Pati shumë më tepër se kaq. Me një instikt brilant të qënies së tyre kombëtare dhe të rizgjimit të saj, por edhe me një klasë politike copa-copa, shqiptarët treguan se Shqipëria Natyrale mund të mos jetë me endërr. (94 vjet endërr. 94 vjet të festosh 28 nëntorin 1912 dhe të jetosh 31 korrikun 1913!? Vetëm popujt me vitalitet të jashtëzakonshëm, arrijnë të jetojnë kaq gjatë midis ëndrrës dhe realitetit. Prandaj ata po falin këdo për Drejtësinë e Vonuar, duke mos lejuar më që ajo të jetë përsëri e Cunguar).

Shqipëria Natyrale po lind. Por në pamundësi të Platformave Politike, Akademike, apo historike, ajo po lind nga «Monumentet» dhe nga Deti i Flamujve. Skënderbeu në Shkup, Adem Jashari në Tiranë dhe Deti i Flamujve në Preshevë janë shënjat e para të lindjes. Duket se shumë shpejt, këtë rrugë do të ndjekin edhe trojet e tjera. (Mos ma prekni Jezu Krishtin tim- ju drejtua një plak policisë speciale malazeze kur I thyen në kokë Fotografine e Adem Jasharit dhe kur arrestuan 14 shqiptarë të cilët i akuzuan për gjoja terrorizëm)

(Shkup o qytet I bekuar; Prite, prite Skënderbenë; Po vjen si Pëllumb I shkruar; Të zbukurojë mëmëdhenë) Eshtë teksti I nje kënge të njohur në Shqipëri, për Skënderbeun. Janë zëvëndësuar vetëm dy fjalë(Krujë dhe në vënd të fjalës «shpëtojë» është përdorur fjala zbukuroj. Kënga u këndua në Cair të Shkupit para mijra shqiptarëve. Nuk është një zëvëndësim rastësor (Shqiptarët e pranojnë Shkupin si qytetin e tyre, ashtu siç pranojnë Shqiperinë Natyrale si mëmëdheun e tyre. Dhe këtë e bëjne në fillim me këngë, që ta bejne nesër në jetë. Eshtë mesazhi i tolerancës dhe dialogut që ata po u japin fqinjëve të tyre). Tolerancë nuk do të thotë të respektosh vlerat e tjetrit. Por të kërkosh që edhe ai të respektojë vlerat e tua. E kundërta do të thotë inferioritet.

Duket se vetëm një pjesë e politikës shqiptare e tipit «Odise» apo inatçore nuk e pa këtë dukuri të qënësishme.(Teksa në Tiranë, Shkup dhe Preshevë po lindëte Shqipëria Natyrale, Presidenti i Republikës e gjeti më të udhës të pranonte të merrte një dekoratë për vehte në Vlorë, të mbante një fjalim 94 vjeçar të pluhurosur, duke harruar siç ka bërë gjithmonë faqen 5 të Kushtetutës që flet për aspiratën e popullit shqiptar për bashkim kombëtar)

Por rizgjimi i ndjenjës kombëtare tek të gjallët e thjeshtë dhe madhështia e të vdekurve të mëdhenj do të jenë nesër trysnia më e madhe ndaj kësaj politike. Do ta detyrojnë atë të shmangë inatin dhe «Odisenë» nga veprimtaria e saj

(Politika shqiptare ka pasur shumë politikanë kozmopolitë dhe internacionalistë. Shqipëria Natyrale kërkon politikanë shqiptarë që të dinë të mendojnë globalisht dhe të veprojnë kombëtarisht).
Para disa ditesh, Shqipëria Natyrale lindi nga «Monumentet dhe Deti i Flamujve». «Nesër» do të sendërtohet në realitet. Ata që kanë jetuar dhe duruar për 94 vjet ëndrrën, kanë të drejtë të jetojnë në të ardhmen realitetin. Shqipëria Natyrale është nocion europerëndimor. Sepse e ardhmja është e tillë. Shqipëria Natyrale është pasojë e një drejtësie të vonuar dhe të pacunguar.

(-Nuk është kështu do të shkruante ish-ministri i jashtem i Maqedonisë Sllobodan Cashule; idetë mbi Shqipërinë Natyrale nuk duhet të pranohen nga Ahmeti dhe Xhaferri se ato u ngjajne dhuratave të danaidëve. Deputeti aktual i VMRO-Popullore kishte kërkuar edhe ndihmën e Homerit për të kundërshtuar Shqipërinë Natyrale

-A nuk ju thamë do të deklaronte ministri i jashtëm sërb Drashkoviç në letrën drejtuar Grupit të Kontaktit dhe SHBA se shqiptarët duan të krijojnë Shqiperinë Natyrale pas pavarsisë së Kosovës
-Shqiptarët kanë strategji të përpunuar për Shqipërinë Natyrale deri në vitin 2013 do të shprehej, kryetari i europarlamentarëve socialistë polakë, Zhozef Piniora ne diskutimin e tij në Parlamentin Europian kur diskutohej për Kosovën)

Do të ketë akoma më shumë në të ardhmen nga pohimet e sipërthëna. Nuk do të jenë vetëm të huaj. Do të ketë edhe shqiptarë. Megjithatë ajo lindi para disa ditësh. Lindi në Shkup, lindi në Tiranë, lindi në Preshevë, lindi në Prishtinë. Tashmë duhet ta ndihmojmë të rritet. Partizanët e saj duhet të kenë mëndje të ftohtë dhe zëmër të zjarrtë. Ata kanë mësuar të mos provokojnë. Tani e tutje duhet të mësojnë të mos provokohen.