Piramidat e së Keqes

Shkruan: Fatos Aliu

Historiku i piramidave të së keqes në Kosovë është i hershëm, po në kohën më të re të pasluftës 1999, u riaktivizua skenari më morbid antishqiptar deri më sot, i përgatitur nga forcat (sektet) ndërkombëtare të errësirës, sipas modeleve të së kaluarës së konferencave e kongreseve. Për këtë skenar ata kishin aleatët të shumtë në Ballkan, por aleati kryesor ishin ish-kollaboracionistët shqipfolës të Serbisë dhe "patriotët" e rrejshëm, dallkaukët e pagdhendur që vërsulen për plaçkitje të pronës kombëtare, me parti e biznese shkatërrimtare të vendit, duke shfrytëzuar me plan e paramendim kriminelësh gjakun e derdhur dhe sakrificën shekullore të popullit shqiptar. Trojet shqiptare ishin të ndara, dhe kur nuk punohet në parime të idealeve të vetëvendosjes e bashkimit kombëtar, arrin tradhtia, thellohet përçarja, fara e dreqit, me dhjetëra parti e mijëra organizata joqeveritare bordelesh, me media dominante në shërbim të errësirës nga jashtë, të errësirës informative brenda, të dezinformimit dhe demonizimit të çështjes kombëtare shqiptare.

Tani jemi në prag të një copëtimi të ri, në emër të pavarësisë. Cilës pavarësi? Që bastardët të vazhdojnë më lehtë me veprën e tyre morbide?! Piramidat e se keqes në Kosovë janë të shumta, shumica të ngritura në emër të demokracisë, pavarësisë, prosperitetit, shprehjes së lirë në mediat e shtypit, radios e televizionit etj. Në majet e këtyre piramidave dominon raca më bastarde e kombit. Bastardët kanë krijuar rrjetën kriminale në shërbim të djallit, pasqyrës së tyre shpirtërore e mendorë. Këta bastardë nuk mposhten me aksione epizodike, por me organizim paralel, me piramidën paralele kombëtare, të ngritur nga populli dhe patriotët e vërtetë e të shëndoshë të kombit në ballë.

Nuk mjafton vetëm ta tregosh problemin, por ta ndërtosh mekanizmin për zgjidhjen e tij, duke ju krijuar problem bastardëve të kombit, duke i bojkotuar, duke u izoluar derisa të mbesin si peshku në zall, duke i demaskuar në të gjitha format, duke i mposhtur mediat me të cilat përhapin dezinformacione e manipulojnë me masat e gjera, duke i mposhtur me fuqinë mediatike kombëtare me të gjitha mjetet dhe format e mundshme, në të gjitha këndet e atdheut. Këtë sot synon Lëvizja Vetëvendosje dhe forcat e tjera besnike të idealit kombëtar...Kosova ka potencial të pashterrshëm atdhetar. Kosovës i duhet vetëm zgjimi kombëtar, zgjimi popullor dhe mobilizimi për vetëvendosje liri të vërtetë.

Kosova nuk ka institucione të popullit, por institucione kundër popullit. Kosova nuk ka media zyrtare të kombit, por media zyrtare antikombëtare, sepse ne Kosovë është zyrtarizuar satanizmi, që nga ardhja e misionit djallëzor - UNMIK-ut, i cili nuk është asgjë tjetër, pos mekanizëm ndërkombëtar neokolonialist e neofashist i sekteve manipulatore satanike që sot udhëheqin me institucionet ndërkombëtare në botë. Tani, me "Statusin e Ri të Kosovës" synohet të ndryshohet emërtimi, por jo edhe qëllimi.

Ky mision, është dizajnuar që nga fillimi, jo vetëm për copëtimin e Kosovës, duke realizuar shkatërrimin ekonomik, shëndetësor, emancipues e social të popullit të Kosovës, degjenerimin dhe shkombëtarizimin e tij. Ai ka manipuluar dhe vazhdon të manipulojë me protektoratin në marrëveshje me Serbinë, për interesa të qarqeve satanike dhe ruajtjes së status quosë proserbe në Ballkan, si mburojë për interesa të veta, përderisa ne do të presim si delet, duke llogaritur në mbrojtjen nga qeni i huaj, i cili nuk është tjetër pos bisha e maskuar që kollaboron me ujkun e stepeve për ndarjen e presë, tokave të okupuara e kolonizuara shqiptare. "Qentë tanë" të politikës e "kombit" që kanë ulur bishtin, janë dresuar mirë, si të korruptuar deri në palcë që janë, ngrisin bishtin vetëm kur e si u thotë patroni neofashist, dhe nuk kanë kurajo ta thonë të vërtetën sepse tashmë e vërteta i djeg si drita e diellit që shkrin qenjet e vampirosura në agim. Prandaj, këta qej të vampirosur, nuk e duan agimin e lirisë, sepse kanë zgjedhur Satanën për sovran, ndërsa populli u duhet për t'ia pirë gjakun, për ta dobësuar e skllavëruar sa më shumë.

Shpëtimi nis nga zgjimi, nga ndërgjegjësimi se më kemi të bëjmë, se kush po na sundon, se kush na përfaqëson, se kush po na plaçkit e copëton. Shpëtimi vjen nga rrenimi i piramidave të së keqës dhe ndërtimi i piramidës kombëtare dhe të gjitha piramidave të shtetit që mundësojnë dhe sigurojnë rritjen e vlerave njerëzore, kombëtare e shtetërore të kombit tonë.