Të gjallëron marsi ’81 Nënë Shqipëri !

Shkruan Ramadan Pllana

Mbaju Nënë Shqipëri, me mburrje e krenari.

Ballin lart si dikur, me kryetrimin Skënderbe.

Se ke ende trima si legjendar, Adem Jashari.

Viganë syshqiponjë që e bëjnë vdekjen si me le!...

Me pendën dhe pushkën tok - vazhdoje devizën

Ashtu të pandara deri në amshim – RIBASHKIM.

Siç bënë Abdyli e Sylë Vokshi -dikur në Prizren.

Vigjilente kundër hordhive, që duan ripushtim!...

E kujtojmë Korçën nuse, çerdhen e diturisë,

Shtatë marsin një mijë e tetëqind e tetëdhjetë e shtatë.

Aty ku lindi mësonjëtorja e parë e shqiptarisë,

Që e ndriçoi rrugën e errësuar nga ca turkoshakë!...

Grekët e quanin, “shkollë djalli”, miopët, “”shkollë kaurësh”,

E pengonin, e sulmonin, e përgjaknin pa ndalim

Por, ti Nënë Shqipëri nuk u përkule kurrën e kurrës,

Me pendë e pushkë, -amanetin në përqafim!...

Ah, mallkuar qofshin për gjithmonë ata barbarë,

Që në emër të "modernizmit" e të pafytyrësisë.

Rrënojnë gurët e themelit të shtetit shqiptar

Duke penguar Vetëvendosjen, drejt lirisë.

Marsi na sjellë rinim, bashkim, festim dhe krenari,

Përkujtojmë dëshmorët, -kremtojmë Abetaren me –Enciklopedi,

Gumëzhijnë Shkollat, Universitete dhe Akademi

Janë frytet e idealistëve tu, -moj Nënë Shqipëri!...

Zvicër, 5 Mars 2010