Oda e avokatëve të Kosovës

KOMUNIKATË PËR MEDIA - NË LIDHJE ME RASTIN KURTI

OAK MBËSHTET ANGAZHIMET E AVOKATIT RAMIZ KRASNIQI

I

Oda e avokatëve të Kosovës kërkon nga EULEX-i që drejton procesin gjyqësor ndaj liderit të lëvizjes “Vetëvendosja” nën akuzat e përgjegjësisë që lidhen me ngjarjet e 10 shkurtit 2007, në të cilat për pasojë kanë humbur jetën dy protestues dhe janë lënduar shumë të tjerë që:

    • Të mos përdorë metoda presioni mbi të në situatën kur pala se cilës ex officio që të heqë dorë nga detyrimi për të ushtruar funksionin e mbrojtjes, në situatën kur vet i pandehuri e refuzon mbrojtjen para gjyqit nga avokati, veçse t’i pranoj të pandehurit të drejtën e mbrojtjes së vetvetes para gjykatës.

    • Asnjë autoritet ligjor në Kosovë nuk mund të caktoj avokat mbrojtës kundër vullnetit të palës përveç në rastet e përcaktuara më ligjin në fuqi.

II

OAK mbështet plotësisht angazhimet e deritanishme të avokatit Ramiz Krasniqi të caktuar ex officio nga Gjykata për të vepruar si mbrojtës i Albin Kurtit. Njëkohësisht bënë të qartë të drejtën e avokatit mbrojtës në kualifikimin e procesit ndaj Albin Kurtit si pjesë e zgjedhjes së lejuar me ligj të strategjisë së mbrojtjes Oda thekson se është i papranueshëm çfarëdo kërcënimi qoftë kur vjen edhe nga gjykata, që vie ndesh me pavarësinë e rolit të avokatit. Edhe tërheqja nga detyra e avokatit mbrojtës është veprim i lejuar ligjor dhe i arsyeshëm nën rrethanat e refuzimit të klientit. Profesioni i avokatit në Republikën e Kosovës është i lirë dhe i pavarur (neni 111 i Kushtetues).

III

OAK tërheq vëmendjen në vlerësimet e Organizatave Ndërkombëtare për mbrojtjen e të drejtave të njeriut ndaj procesit të Liderit të Lëvizjes “Vetëvendosje” - Albin Kurti dhe kërkon nga autoriteti i ndjekjes që ato vlerësime t’i trajtojë me mjaft kujdes.

IV

Për fund, OAK fton autoritetet e EULEX-it që ngjarjeve të 10 shkurtit 2007, në të cilat për pasojë kanë humbur jetën dy protestues dhe janë lënduar shumë të tjerë mos t’u qasen në mënyrë selektive siç kanë bërë autoritetet e UNMIK-ut më përpara, veçse ta trajtojnë në tërësinë e vet duke u angazhuar në mënyrë të veçantë për të nxjerrë përpara përgjegjësit për vdekjet e personave sepse drejtësia e vërtetë është vetëm kur ajo është e plotë. Procedurat e drejta dhe të efektshme paraqesin parakusht për ndërtimin e besimit aq të nevojshëm të komunitetit në organet e drejtësisë.

V

Paqartësitë dhe veprimet e fundit në raste “e ndjeshme” penale sikurse edhe madje në përgjithësi në deri më tani vejnë në pak jofunksionalitetit në vazhdimësi të sistemit të drejtësisë në Kosovë. Siç edhe sugjerojnë shumë monitorime objektive sistemi gjyqësor në Kosovë:

     • përbëhet prej një kornizë ligjore e koordinuar mjerisht dhe e pamanovrueshme;

     • ende mbizotërohet me procedurat arkaike gjyqësore;

     • përbëhet nga një mos-harmonizim i hapur i institucioneve juridike;

     • sistem plotësisht i tejkaluar gjyqësor jotransparent dhe i ndikuar.

Prandaj OAK kërkon urgjentisht:

     • një rishikim të thellë urgjent mbi legjislacionin penal i kompletuar plotësuar me dispozita të precizuara qartë dhe me Institucione të harmonizuara;

     • të tejkalohen ngecjet dhe defektet në procesin e riemërimeve të zbatuara nga Komisioni i Pavarur duke përfshi edhe mbrojtjen nga ndikimet e jashtme duke mbështetur procesin thelbësisht vetëm në kriteret objektive të kualifikimit. Personat e zgjedhur në zyrë juridike duhet të jenë individë me integritet dhe të jenë të aftë me kualifikime dhe ushtrime të duhura në ligj. Çfarëdo metode e seleksionimit gjyqësor duhet të kujdeset kundër emërtimeve gjyqësore për motive keqdashëse;

     • të vendoset sistemi i riorganizuar gjyqësor përmes aprovimit të ligjeve mbi gjykatat dhe prokurorinë dhe urgjent të tejkalohet sistemi i trashëguar i gjykatave. Sistemi i ri duhet të promovojë pavarësinë duke siguruar një rishpërndarje reale organizative dhe juridiksionale e përgjegjësive;

     • të vendoset sistemi i riorganizuar gjyqësor përmes aprovimit të ligjeve mbi gjykatat dhe prokurorinë dhe urgjent të tejkalohet sistemi i trashëguar i gjykatave. Sistemi i ri duhet të promovojë pavarësinë duke siguruar në rishpërndarje reale organizative dhe juridiksionale e përgjegjësive;

     • të vendoset juridiksioni gjyqësor në mbarë territorin e Kosovës. Gjyqësia duhet të ketë juridiksion mbi të gjitha kontestet e natyrës juridike. Gjykatat të jenë financiarisht të pavarura pagat e stafit gjyqësor deh buxheti i gjykatave nuk duhet të jetë subjekt i reduktimeve buxhetare arbitrare të imponuar nga të tjerë. Në Kosovë çdo kush duhet të ketë të drejtë të gjykohet nga gjykatat e rregullta duke përdorur procedurat ligjore ekzistuese. Tribunalet që nuk përdorin procedurat adekuate të procesit ligjor nuk duhet të krijohen për të zëvendësuar juridiksionin që i takon gjykatave të rregullta;

     • të fillohet sa më parë me organizimin e provimet të jurisprudencës për të siguruar sa më shpejtë juristë të kualifikuar në ligj;

     • të filloj funksionimi i sistemit të noterisë;

     • të vendoset Agjensioni i pavarur kompetent për përmbarimin e vendimeve gjyqësore;

     • të funksionalizohet Institucioni i zgjedhjes me marrëveshje të kontesteve.

VI

Oda e Avokatëve të Kosovës si pjesë e rëndësishme e sistemit të drejtësisë ën Kosovë do të këmbëngul në përmbushjen e misionit të vet për:

     • avancimin e sundimit të ligjit në Kosovë duke mbështetur procesin e reformave ligjore. Ajo vazhdimisht do të jetë në misionin e avancimit të drejtësisë.

     • të nxitë një qasje sa më të plotë dhe të barabartë të përfaqësimit në çështjet ligjore për të gjithë personat pa marrë parasysh kushtet ekonomike sociale. këto përpjekje do të përfshijnë veçanërisht pakicat, gratë dhe personat me të meta. Komuniteti do të përfitojë nga përpjekjet e Odës për përforcimin e administrimit të drejtësisë zgjerimin e kuptimit dhe respektimin e ligjit dhe të institucioneve ligjore.

     • në ndërtimin e lehtësive të hyrjes në profesion të kategorive të veçanta duke përfshirë pakicat, gratë dhe personat nga zonat rurale.

     • rritjen e njohjes publike dhe respektit për ligjin, procedurat ligjore dhe rolin e profesionit ligjor në mbrojtjen e standardeve ligjore.

     • Ajo do të shtojë përpjekjet për të ruajtur promovuar dhe avancuar idealet e drejtësisë dhe dedikimin e profesionit ligjor shërbimit publik.

     • Ajo do t’i ndihmojë anëtarët në komunikimin me gjykatat dhe organet e administratës si dhe autoritetet e tjera të vendosura në Kosovë; të vehet në mbrojtjen e anëtarëve të vet në rastet e trajtimit jo të drejtë nga autoritetet.

     Oda i konsideron synime të veta të përhershme angazhimet për ruajtjen e pavarësisë së profesionit të avokatit dhe pushtetit gjyqësor si themele të shoqërisë së lirë demokratike.

Nënshkruar nga:

Musa Xh. Dragusha - Kryetar i OAK

Prishtinë, 26. 02. 2010