Festa e pavarësisë dhe diferencimi ideopolitik i ambasadorit të Kosovës në Washington DC

Shkruan: Naim Balidemaj

Në dyvjetorin e pavarësisë si në Kosovë edhe në diasporë shqiptarët e festuan këtë datë të shumëpritur të ndarë, disa me idhuj real disa me idhuj imagjinar. Në New York organizata pan shqiptare “Vatra” kishte mysafirë nga Kosova Akademik Mark Krasniqin dhe ish gazetarin e “Tanjug-ut”,tani ambasador i Kosovës në Washington DC. Avni Spahiun. Në ndërkohë edhe një individ i pavarur, Shaqir Gashi, tuboi disa miq të tij dhe mysafirë i kishte përsëri ish denoncuesin e demostratave të diasporës shqiptare në përkrahje të republikës së Kosovës në vitin 1984, tashmë ambasador Avni Spahiun dhe Akademikun Mark Krasniqi. Çdo gjë do të ishte në rregull sikur këtë datë të shënuar mos ta festonte edhe Shoqata “ Atlantiku”, shoqatë kjo e përbërë nga ish ushtarëte UÇK-së, pjestarë të Batalionit “Atlantiku” dhe përkrahësit e luftës për liri të Kosovës që nga viti 1981 deri më sot. Shoqata “Atlantiku” kishte ftuar edhe Ambasadorin e Kosovës në SHBA, Avni Spahiun,por ky nuk iu përgjigj ftesës së ish luftëtarëve të lirisë. Një veprim i tillë anti njerëzor dhe anti demoktaratik të krijon përshtypjen e shkollës së diferencimit ideopolitik titist, shkollë kjo të cilën Avni Spahiu e ka specializuar në kohën e bashkim-vëllazërimit nëpër zyrat e TANJUG-ut dhe UDB-së.

Përfaqësuesi diplomatik i një vendi duhet ta mësoj në radhë të parë ABC-në e diplomacisë, ai nuk është përfaqësues i klaneve apo grupacionev të caktuara politiko-ideologjike, por është përfaqësues i Shteti dhe shtetasve, pavarësisht nga përcaktimet politike.Ambasadori më së paku bën diferencime në mes të shtetasve dhe nuk ka të drejtë të përcaktoj simpati apo antipati për shoqata, asociacione dhe grupe të caktuara që veprojnë në diasporë, e sidomos për ato shoqata të cilat kanë treguar devotshmëri dhe përkushtim tëpamohuar në luftën për liri dhe pavarësi. Me këtë veprim gazetari denoncues dhe ambasadori fodull dëshmon paaftësinë për tu ballafaquar me realitetin dhe të kaluarën e tij të dyshimtë. Të mohosh luftëtarët e lirisë do të thotë të mohosh pavarësinë e Kosovës. Vërtetë,këta luftëtarët e lirisë nuk janë bussines man që u pasuruan përmes Jugobankës kur drejtor i saj gjeneral ishte Sllobodan Millosheviqi, por pasuria e tyre është më e madhe se tërë Jugobanka – ndërgjegja e pastër kombëtare dhe atdhe dashuria të cilat kastës sëAvni Spahiut i mungojnë dhe përjetësisht do ti mungojnë.

Faji nuk qëndron te Avni Spahiu, te Agim Zatriqi te Nazmi Mustafi, te Azem Vllasi e shumë tjerë të sojit të tyre, fatkeqësinë duhet kërkuar në institucionet e shtetit të Kosovës që rehabilituan rankoviqizmin, titizmin, millosheviqizmin. Ende pas njëmbëdhjetë vjetëve nuk është zgjedhur statusi i familjes së dëshmorëve, i invalidëve të luftës, i ish ushtarëve të UÇK-së, por është zgjedhur shumë favorshëm statusi i ish bashkëpunëtorëve të okupatorit, të cilët sot janë të privilegjuarit, të përkdhelurit e institucioneve të Kosovës më shumë se në kohën kur i shërbyen titizmit dhe këlyshëve të Titos.

27 Shkurt 2010