Faqja e zezë e UNMIK-ut dhe e EULEX-it

Shkruan: Tafil Duraku

Vetë këmbëngulja e UNMIK-ut & EULEX-it në ndjekjen e shqiptarëve, me kanosje, me burgosje, me vrasje, me procese të montuara politike dhe me metoda të tjera të krimit të organizuar “shtetëror”, dëshmon qartë se veprimet e tyre janë tepër të dyshimta, bile, do mund të thoshim se veprimet e tyre antishqiptare janë të dirigjuara nga Beogradi, sepse, u vjen erë e tillë dhe bëhen me metoda të njëjta ndjekëse, persekutuese, poshtëruese, përbuzëse e fyese, njësoj të sofistikuara dhe të rafinuara.

Sjelljeve të UNMIK-ut&EULEX-it, në Kosovën e pushtuar shqiptare, edhe njëmbëdhjetë vjetë të plota pas përfundimit të luftës së lavdishme të UÇK-së, po u vjen erë serbe. Fytyrën e vet të zezë, UNMIK-u dhe EULEX-i, po e zbardhin në dritë me veprimet e tyre të koordinuara, ‘juridike’ e ‘gjyqësore’, në ndjekjen dhe persekutimin e shqiptarëve, konkretisht, jo vetëm kësaj radhe, kundër autoritetit udhëheqës të Lëvizjes Vetëvendosje, z. Albin Kurti.

Kjo tregon qartë, se procesi për gjykimin e z. Albin Kurti është puro politik, sepse, UNMIK-u&EULEX-i, në vend të ndjekjes dhe persekutimit të Albin Kurtit dhe të anëtarëve të tjerë të Lëvizjes Vetëvendosje, do duhej, dhe, do ishte edhe më shumë e udhës, që atë ndjekje ta bënjnë kundër vrasësve ndërkombëtaro-rumunë të demonstruesve paqësorë shqiptarë të 10 shkurtit 2007. Besa, do duhej të merreshin edhe më shumë me vrasësit e shqiptarëve, më 2004.

Megjithatë, UNMIK-u, dhe, vazhduesi i tij, EULEX-i, si dhe strukturat e tjera ndërkombëtare, të drejtuara nga OKB, në Kosovën e trepushtuar shqiptare, duhet ta kuptojnë, paqësisht, se janë shndërruar në pushtues e copëtues të rinj të shqiptarëve dhe të trojeve të tyre etnike, por, edhe duhet ta dinë, po ashtu, grurë të kuq, se, sa të ketë shqiptarë të gjallë, do të ketë edhe protesta paqësore, por, po qe nevoja dhe u imponohet luftë shqiptarëve, siç ua imponoi kryekrimineli i kategorisë botërore, Slobodan Milosheviç, shqiptarët, sërish, do të dinë ta organizojnë, ta mbrojnë veten në trojet dhe shtëpitë e tyre, ta bëjnë dhe ta fitojnë luftën, siç e fitoi edhe UÇK-ja, në bashkëveprim me NATO-n dhe me miqtë tjerë, ndërkombëtarë, të shqiptarëve.

Lufta që po e bëjnë institucionet e drejtuara nga OKB, në Kosovën e pushtuar shqiptare, kundër shqiptarëve shumicë, i ka kaluar tmerret fashiste të Serbisë pushtuese e gjakatare. Prandaj, është koha e fundit që ato institucione ndërkombëtare duhet ta dinë se z. Albin Kurti e ka pas vetes intelegjencën e popullit shqiptar të Kosovës së trepushtuar serbo-ndërkombëtarisht, dhe, populli shqiptar i Kosovës së trepushtuar shqiptare është me z. Albin Kurti. Këtë duhet ta kenë të qartë, tashmë, të gjitha strukturat e UNMIK-ut&EULEX-it, nën dirigjimin serb të OKB-së së tadiçizuar serbo-rusisht(!)…

Ta fajësosh z. Albin Kurti dhe cilindo shqiptar tjetër për shqiptarizëm, është njësoj sikur t’i fajësosh amerikanët për amerikanizëm, gjermanët për gjermanizëm, anglezët për anglezizëm, italianët për italianizëm, etj. Pra, kjo tregon se ndjekja e Albin Kurtit, lëre që është faqja e zezë e UNMIK-ut dhe EULEX-it, por, është edhe kryefaqja e zezë e tyre, pa asnjë faqe të bardhë, në Kosovën e pushtuar shqiptare, dhe, e tillë do mbetët në kujtesën e shqiptarëve për jetë e mot.

Prandaj, ajo Qeveri shqiptare, që i fajëson shqiptarët, pse duan dhe mbrojnë tokat e Shqipërinë e tyre, e luftojnë për to e për bashkimin e tyre, dhe, në rastin konkret, z. Albin Kurti, nuk mund t’i thuhet kurrë se është Qeveri shqiptare, se është Qeveri e popullit shqiptar të sakrificës, të vuajtjeve e të mundimeve të mëdha e të rënda, nën pushtues të huaj, e, veçanërisht, vuajtjet dhe torturat që i pësoi populli shqiptar nën pushtimin serbo-jugosllav, e “shqiptaro”-titist, e, fatkeqësisht, po vazhdon t’i pësojë edhe me këta “paqeruajtës” evrondërkombëtar të OKB-së. Po, ku keni parë, dhe, ku ka ndodhur deri më sot, të ruhet paqja mbi e me krime?!...

Me këtë veprim kundër z. Albin Kurti, UNMIK-u dhe EULEX-i, po dëshmojnë se e kanë humbur torruan, dhe, po veprojnë sipas këshillave e direktivave të Beogradit antishqiptar.

Prandaj, UNMIK-u dhe EULEX-i, për të mos i lënë vetes njollë dhe faqe të zezë, kërkohet dhe duhet që, automatikisht, ta ndërpresin procedurën “gjyqësore” e “juridike” të procesit të montuar politik kundër z. Albin Kurti dhe kundër të gjithë anëtarëve tjerë të Lëvizjes Vetëvendosje, sepse, Populli dhe Kombi Shqiptar, sikurse të gjithë popujt dhe kombet e tjera të botës demokratike, don të vendosë njëherë e përgjithmonë, njëherë e mirë, përfundimisht, për fatin e Tij dhe të Atdheut të Tij, Shqipërisë – SHQIPËRI, sepse, Shqipërisë i duhen vetëm ademjasharë, mujëkrasniqë, tahirshqipëri, fehmilladrofcë e xhevëkrasniqe, abedinrexhë, zahirpajezitë, ilirkonushefcë… dhe albinkurtë.

Mendojmë, është koha, dhe kërkojmë që UNMIK-u dhe EULEX-i të heqin dorë urgjentisht nga ndjekja “juridiko-gjyqësore” dhe persekutimi i menaxhuar parapolitik e politik i shqiptarëve, dhe, në rastin konkret, i z. Albin Kurti. Kjo është mënyra e vetme dhe koha në kapërcyell, më e mira, që e nxjerr pa e nxirë fytyrën krejt, edhe ashtu, të zezë, UNMIK-u dhe EULEX-i OKB-ist. Kjo do ishte dëshmia më e mirë, se forcat ndërkombëtare të OKB-së, në Kosovën e trepushtuar shqiptare, kanë nisur të kthjellohen dhe ta përmirësojnë imazhin e keq që kanë lënë tek shqiptarët shumicë të Kosovës, për njëmbëdhjetë vjetë të plota pas luftës së lavdishme të UÇK-së.

Përndryshe, populli mund ta marrë edhe zbatimin e ligjit në duart e veta, sepse, populli është sovrani fuqiplotë i Atdheut të Tij. E, ky Atdhe është i shqiptarëve. Kjo tokë është Shqipëri e copëtuar, e pushtuar, dhe, ende, koloni serbo-ndërkombëtare…

Burojë, më 15 shkurt 2010