Regjistrimi etnik dhe fetar i popullsisë së Shqipërisë – vegël e ç'kombëtarëzimit antishqiptar

Shkruan: Vera Dushi

Në Shqipërinë administrative flitet për një regjistrim etnik dhe fetar të popullsisë, në propozimet e klerikut grek Janullatosi, bashkë me klerikun e sektës bektashiane.

Konsideroj se këto lloj propozimesh janë antishqiptare dhe synojnë ç’kombëtarizimin e shqiptarëve, sepse identiteti shqiptar nuk mund të ç’kompozohet në karakteristika fetare sikurse në kohërat të zeza të Perandorisë Osmane, kur iu mohua ekzistimin e kombësi shqiptare dhe shqiptarët ndaheshin sipas feve.

Pikërisht këtu është qëllimi i një propozimi të tillë: që shqiptarët të ndahen dhe të përçahen në baza fetare, duke paralizuar ndjenjat kombëtare.

Sot, kur flitet gjithnjë e më shumë për zgjidhjen e çështjes shqiptare dhe për një Rilindje të Dytë Kombëtare, zërat e së keqes synojnë të shëndrrojnë kombin shqiptar në një masë të papërcaktuar fetare, duke u shtuar edhe një greqizim bizantin, një turqizim dhe një latinizim të  tyre, ashtu që të mos vlejë më fjala e drejtë e  Martin Barletit se : “shqiptarët janë më shumë luftëtarë sesa fetarë”, se ata nuk janë fanatikë fetarë dhe as jotolerantë me fetë të tjera.

Sepse shpirti luftarak shqiptar, që nëpër shekuj nuk është shuar,dhe kjo po i shqetëson shumë armiqtë të kombit shqiptar që kanë nën sundim copa të tëra të truallit etnik shqiptar dhe kanë qejf të pushtojnë ende më shumë territor shqiptar për realizimin e planeve të ekspansionizmit si "Megali Ideja" dhe “Naçertanije”.

Prandaj, mbështes reagimin e drejtë e At Nikollës ndaj këtij propozimi antishqiptar dhe kërkoj nga politikanët shqiptarë të mos miratojnë një të ashtuquajtur “regjistrim etnik dhe fetar”, sepse në radhë të parë shqiptarët janë SHQIPTARË, dhe identiteti i tyre përcaktohet nëpërmjet gjuhës, kulturës, traditave të përbashkëta kombëtare, të trashëguara që nga lashtësia pellazgjiko-ilire deri në ditet tona.

Gjilan (Shqipëri Etnike), 7 shkurt 2010