Jo jo, Albin Kurti kurrë nuk mund të dënohet… Ai i përket popullit të tij...!!!

Shkruan: Faridin Tafallari

..EULEX MOS SHKO AQ THELLË!!!

MOS NA PROVOKO ATJE KU NUK KE TË DREJTË!

LERE ALBIN KURTIN NË PUNËT E TIJ!

SE NE SHQIPTARËT ATË KEMI, NJË, NË TË GJITHA TROJET SHQIPTARE!

AI ESHTE LIDERI YNË!

AI ËSHTË I VETMI QË KA MBRAPA TËRË SHQIPTARINË!

JO, JO! ALBIN KURTI NUK MUND TË DËNOHET SE ËSHTË I POPULLIT... POR JU DËNONI KRIMINELËT SERBË DHE ATA QË JANË RA NË GJUMË E JU BËJNË TEMENA DHE IU PËRKULEN PA FIJE TURPI PARA KËMBËVE TUAJA PROSERBE...!!!

Populli shqiptar në Kosovë po e sheh mirë se çfarë po ndodh ditën për diell.... Po i sheh dhe po i përjeton edhe nga ju të gjitha të zezat o zotërinj të EULEX-it, sesi ju po i zbatoni po të njëjtat urdhëra si ata të UNMIKUT! Edhe ju, siç po shihet, po e tregoni fytyrën e errët antishqiptare e proserbosllave.

Por nuk duhet të harroni se keni të bëni me një popull trim e guximtar, me një popull që në shekuj kurrë nuk është përkulur edhe nga të gjithë ato të zeza që i kanë bërë armiqtë fqinjë, por që nuk ka ditur kurrë të gjunjëzohet!

Ne ju kemi mirëpritur, ju kemi pranuar në shtëpinë tonë si miq, që ju të na ndihmoni, në mbrojtjen e popullit tonë nga grabitqarët, që na rrethojnë nga të katër anët. Ju zotërinj të EULEX-it, me siguri se e dini sado pak ose ndoshta edhe më mirë historinë e popullit tim që ka vuajtur të zitë e ullirit... duke qenë autokton në tokat e veta dhe pa i bërë askujt dëm në shtëpinë e tij, pa i hyrë në hak askujt, askujt!!! Madje edhe i ka nderuar e respektuar përherë të tjerët!? Por këto nderime e respekte i janë kthyer e shpërblyer me thikë e helm prapa shpinës, duke mos e lënë të qetë në shtëpinë e vet!?...Sa e sa luftëra i ka bërë ky populli im me fqinjët përreth... dhe pse... vetëm e vetëm për të mbrojtur nderin dhe vatrën e vet, tokën e tij! Sa e sa sakrifica të mëdha ka bërë për t’u çliruar nga zgjedha pushtuese e për të jetuar ashtu siç jetohet në trojet e veta etnike!

Po ju zotërinj të EULEX-it, nga i kopjuat këto, që tash së fundi edhe nga ju po i përjetojmë!?

Në vitin 2007 VETËVENDOSJA doli në demonstrata për të kundërshtuar pikërisht ATO, që paraardhësit tuaj, konkretisht Pakoja e Athisarit, i qëndisi ashtu si deshi ai Ahtisari, pra në dëm të shqiptarëve, që në Kosovë zënë 95% të popullsisë!!! Ju e barazoni me ata që nuk janë as 0,1% me popullin shqiptar?!

Ju zotërinj të EULEX-it, demonstratat e organizuara nga VETËVENDOSJA me në krye liderin e saj Albin Kurtin, i pritët me lloj lloj gazi lotsjellës, që me siguri i përdorët për herë të parë kundër demonstruesve shqiptarë! Dhe nuk ju mjaftuan të gjitha ato por i mbushët edhe armët ...e qëlluat mbi demostruesit pa një fije mëshire! Madje nuk kursyet as jetën e dy të rinjve shqiptarë...i vratë dy të rinjtë... mbi 200 i plagosët!! Dhe tash nuk dënoni vrasësit por doni të dënoni Albin Kurtin!?! Albini, zotërinj, është biri i denjë i këtij populli, i cili lufton pa u lodhur, me guxim, për të drejtat e tij, ndaj kurrë mos harroni se duke e dënuar Albinin, ju po e dënoni tërë popullin shqiptar të Kosovës!!!!

Unë nuk e besoj kurrë, që ju zotërinj të “nderuar” të jeni kaq tolerantë, që këto që po i bëni në Kosovë t’i toleroni në vendet tuaja!? Jo me siguri, nuk do të vepronit kështu në vendet tuaja, se përndryshe nuk do ta donit atdheun tuaj!...Prandaj e them me bindje se populli im kurrë nuk do t’i harrojë veprimet tuaja antishqiptare dhe antidemokratike!?

Ndofta një ditë, pa mëdyshje, se edhe populli im do të fitojë atë, për të cilën, në shekuj e ka kërkuar, ku me shumë gjak e sakrifica e ka paguar lirinë e plote dhe demokracinë e vërtetë. Ndaj Ai as që do t’i ndalë përpjekjet e tij, me ato mjete që i mundësohen.

Po çudi, është e tmerrshme që të ngresh zërin për të kërkuar të drejtat e tua, të mohuara në vite e vite... ndërsa.vijnë të huajt, nga vende të tjera, bëhen “zot” në shtëpinë tënde... dhe me çdo kusht mundohen me ta ulë zërin, madje edhe me të vra në tokën tënde!?!

Duhet ta dini ( megjithëse e dini!), se këto që po i bëni ju sot, o zotërinj të EULEX-it, në dekadat mëparme....madje dhe një dekadë më parë i ka bërë Serbia kriminele, duke i vrarë demonstruesit, ashtu si po i vrisni ju sot...ju zotërinj të çmendurisë!!!

Jetoj, që prej 37 vitesh në Gjermani, që njihet si një shtet i fuqishëm në Evropë... edhe këtu kemi bërë demonstrata të shumta, në dekada e vite.. Dihen demonstratat e shumta të mërgimtarëve në mërgim, në shtetet e Perëndimit.dhe... nga këtu e kemi ngritur zërin për të drejtat tona, që na takojnë, si gjithë popujve të tjerë!... Por jam dëshmitar i gjallë i atyre demonstratave, se kurrë, në asnjë rast, nuk është përdorur dhuna. Përkundrazi kemi qenë të siguruar nga shteti përkatës, edhe pse ish-Jugosllavia me në krye Serbinë fashiste, ka kërkuar nga shteti në fjalë, që mos të lejoheshin demonstratat kundër atij ish shteti artificial të quajtur Jugosllavi. Por këtyre as që iu bënte për ta... Përkundrazi na lejonin sa herë që bënim kërkesë për demonstratë! Serbija fashiste, kur e pa se bijtë e saj edhe jashtë kufijve po i dalin zot trojeve të veta të zaptuara nga armiku shkja, ndërmori hapin më të zi, duke i shtrirë kthetrat e saj edhe jashtë... Vrau bijtë më të mirë të popullit! Vrau Jusufin e MADH, Jusuf Gërvallën, Kadri Zekën dhe Bardhosh Gërvallën! Në Bruxsel vrau edhe Enver Hadrin! Po sa e sa bij të shqiptarisë zhduku ish- Jugosllavia titiste!!!

E dimë fare mirë, se armiku përherë na ka goditur në djemtë më të mirë të popullit, të kombit e të shqiptarisë...e kjo tash po ndodh dhe po i kanoset edhe Albin Kurtit!!!

Kështu na ka dashur armiku shkja, kështu na ka dëmtuar ai dhe po kështu po na doni dhe ju zotërinj të EULEX-it! Dhe kjo është... se ne ,shqiptarëve, nuk na duan të jemi bashkë, nuk duan të bashkohen copëzat e ndara të kombit shqiptar, që të jetojmë në një shtet të vetëm, siç është dhe duhet të jetë Shqipëria natyrale!

Por Ty o Albin Kurti të qoftë lavdi e nder, për gjithë atë mençuri e maturi që tregon në veprimtarinë tënde patriotike e atdhetare, se je ZËRI i VETEM, në këto ditë tepër të vështira, që po kalon pësëri vendi im, i luftës për të drejtat e vërteta demokratike, të një populli të maltretuar në vite.. je i VETMI, që nuk të joshin dot, për të ta ndal hovin!!!

Le të zgërdhihen e të qeshin sot qosheve, ata që e kanë hëngër turpin me bukë, ata që sot bëjnë indiferentin, bëjnë sehir e heshtin...heshtin si “ p...nën këmishë”, ashtu si e thotë kjo fjalë e urtë e popullit...por e nesërmja do t’i gjykojë ashpër....

Ndërsa, Ti, o Albin Kurti do të çmohesh e vlerësohesh!!!

E DREJTA VONON, POR KURRË NUK HARRON!!!

_,_.___

01 shkurt, 2010