Gafurr ADILI, Sekretar i Përgjithshëm i Këshillit Organizativ të Kuvendit Mbarëkombëtar :

RAPORT MBI AKTIVITETIN E KËSHILLIT ORGANIZATIV TË KUVENDIT MBARËKOMBËTAR

Vëllezër e motra të idealit kombëtar !

Më lejoni që në emër të Kryesisë së Këshillit Organizativ të Kuvendit Mbarëkombëtar, fillimisht t’iu përshëndes dhe t’iu faleminderoj për pjesmarrjen tuaj, si dhe nga ana tjetër edhe t’iu japë një pasqyrë të shkurtër mbi aktivitetin e deritanishëm të Këshillit Organizativ të Kuvnedit Mbarëkombëtar, që nga themelimi i tij dhe deri më sot, kur po mbajmë këtë Mbledhje Parakuvendore të Kuvendit Mbarëkombëtar, si më poshtë vijon :

-Këshilli Organizativ i Kuvendit Mbarëkombëtar u themelua më 25 Nëntor 2008, te Hotel Tirana International në Tiranë, nga 75 delegatë e delegate nga të gjitha trojet etnike të Shqipërisë dhe nga diaspora shqiptare, të cilët fillimisht zgjodhën Këshillin Organizativ (17 anëtarësh) dhe më pas edhe Kryesinë e Këshillit Organizativ të Kuvendit Mbarëkombëtar, me këtë përbërje :

1. Kryetar, Gjeneral (në rezervë) Kudusi LAMA (nga Kukësi në Tiranë);

2. Zv. Kryetar, Prof. Dr. Hulusi HAKO (nga Delvina në Tiranë);

3. Zv. Kryetar, Kolonel (në rezervë) Sejdi VESELI (nga Prishtina në Prishtinë);

4. Zv. Kryetare, Kolonel (në rezervë) Shyhrete GOSALCI (nga Prishtina në Prishtinë);

5. Sekretar i Përgjithshëm, Mr. Gafurr ADILI (nga Kërcova në Tiranë).

-Në Mbledhjen e Parë të Kryesisë së Këshillit Organizativ të Kuvendit Mbarëkombëtar vendosëm që, krahas ndihmës që do të na japin web-faqet e pavarura të internetit: www.albania-today.com (Shqipëria Sot), www.shqiperiaebashkuar.org dhe

www.dervina.com të nxirrnim edhe një revistë periodike të Këshillit Organizativ të Kuvendit Mbarëkombëtar, të cilën e pagëzuam „KUVENDI“ dhe deri më tani kemi arrijtur të botojmë 5 (pesë) numra, ku secilin numër e kemi botuar në tirazh 1.000 ekzemplarësh, që janë shpërndarë në të gjitha trojet e Shqipërisë Natyrale dhe në diasporën shqiptare, si dhe janë publikuar edhe në internet përmes web-faqeve të sipërcekura, të cilat edhe i faleminderojmë për kontributin e tyre të dhënë deri më tani dhe me bindjen e patundur se një kontribut të tillë do të na e japin edhe në të ardhmen e në vazhdimësi.

-Përmes Revistës „KUVENDI“ jemi përpjekur që të sensibilizojmë opinionin tonë kombëtar, dhe mbi të gjitha elitën tonë kombëtare shqiptare, trurin e kombit shqiptar, për domosdoshmërinë e mbajtjes së Kuvendit Mbarëkombëtar, gjë që sic po duket deri diku edhe ia kemi arrijtur qëllimit tonë, sepse sic po shof në këtë Mbledhje Parakuvendore na kanë nderuar e respektuar edhe shume doktora shkencash dhe disa deputetë nga Prishtina, gjë që edhe në të ardhmen Revista „KUVENDI“ do të vazhdojë ta bejë me përkushtim, që në Kuvendin Mbarëkombëtar të na vijnë edhe më shumë intelektualë e deputetë atdhetarë nga të gjitha institucionet zyrtare të Tiranës dhe të Prishtinës, dhe mbi të gjitha edhe dy Akademitë tona të Shkencave, ajo e Tiranës dhe ajo e Prishtinës.

Dhe, me këtë rast, ju lutem më lejoni që në mënyrë të vecantë të përshëndes dhe falemidneroj për pjesëmarrjen e tyre, si më poshtë:

1.Prof. Dr. Hava Bujupaj-ISMAJLI, Dekane e Fakultetit Juridik të Prishtinës,

2.Prof. Dr. Musa LIMANI, Pedagog në Fakultetin Ekonomik të Prishtinës,

3.Prof. Dr. Sabri KADRIU, Pedagog në Fakultetin Juridik të Prishtinës,

4.Zotin Ali LAJCI, Deputet në Kuvendin e Kosovës,

5. Zotin Naser SHATRI, Veprimtar i hershëm i cështjes kombëtare,

6. Zotin Hysni SHAQIRI, Kryetar i Bashkimi Demokratik Kombëtar-Shkup,

si dhe shume e shumë të tjerë personalitete të nderuara të cështjes kombëtare.

Por, unë gjykoj që Revista „KUVENDI“ duhet të shndërrohet në një revistë mujore dhe të dyfishojë tirazhin e saj.

Vëllezër e motra !

Krahas Revistës „KUVENDI“, që ka qenë dhe është pjesë e propagandës, shokët e shoqet e Kryesisë së Këshillit Organizativ të Kuvendit Mbarëkombëtar, që nga Kryetari i saj, Gjeneral Kudusi LAMA, kanë punuar edhe në drejtimin e kontakteve me intelektualë atdhetarë shqiptare, jo vetëm në Tiranë, në Prishtinë dhe Shkup, por edhe në trojet tjera etnike të Shqipërisë Natyrale dhe në diasporën shqiptare.

Por, që të jemi të sinqertë dhe shumë transparentë para jush, të dashur pjesëmarrës e pjesëmarrëse të kësaj Mbledhje Parakuvendore të Kuvendit Mbarëkombëtar, kemi konstatuar dhe duhet të deklarojmë se shumë nga anëtarët e Këshillit Organizativ të Kuvendit Mbarëkombëtar nuk kanë qenë në krye të detyrës që ua ka ngarkuar Kuvendi Themelues i Këshillit Organizativ të Kuvendit Mbarëkombëtar, prandej edhe konsideroj dhe kërkoj që sot, në këtë Mbledhje Parakuvendore të Kuvendit Mbarëkombëtar, krahas detyrave të tjera të përcaktuara sipas rendin të punës (të cilin edhe e keni nëpër tavolinat tuaja), të bëjmë edhe konsolidimin dhe zgjerimin e Këshillit Organizativ të Kuvendit Mbarëkombëtar, numri i të cilit do të duhet të jetë rreth 35 anëtarësh, nga i cili pastaj do të krijojmë edhe 7 komisionet përkatëse për Kuvendin Mbarëkombëtar.

Por, edhpse disa nga anëtarët e Këshillit Organizativ të Kuvendit Mbarëkombëtar nuk kanë qenë në krye të detyrës, këtë boshllëk e kanë plotësuar, krahas Kryesisë së Këshillit Organizativ, degët e Shoqatës Atdhetare për Identitet dhe Bashkim Kombëtar (SHAIBK) në Republikën e Shqipërisë, në „Republikën e Kosovës“ dhe në diasporën shqiptare, për cka më lejoni që, në emër të Kryesisë së Këshillit Organizativ, edhe t’i faleminderoj publikisht këtu dhe nga ana tjetër edhe të kërkoj që edhe në të ardhmen të vazhdojnë me të njejtin intenzitet pune dhe aktiviteti atdhetar.

Vëllezër e motra të idealit kombëtar !

Sot, në këtë Mbledhje Parakuvendore të Kuvendit Mbarëkombëtar, sic e ceka edhe më lart, duhet të konsolidojmë edhe Këshillin Organizativ, për cka edhe kërkoj që bashkarisht të përpiqemi që në këtë Këshill Organizativ (rreth 35 anëtarësh) të përfshihen përfaqësuesë nga të gjitha krahinat e Shqipërisë Etnike dhe nga të gjitha shtresat shoqërore e gjinore, si dhe mbi të gjitha intelektualët atdhetarë.

Por, mbi të gjitha do të kërkoj që, e gjithë kjo (propozimi dhe perzgjedhja) të bëhet me një përgjegjësi të lartë moralo-poltike e kombëtare, dhe mbi të gjitha, ata që do ta pranojnë këtë detyrë madhore, mbi të gjitha kërkoj të jeshin shume të vetëdijshëm se qenia në Këshillin Organizativ të Kuvendit Mbarëkombëtar nuk është as luks dhe as privilegj; përkundrazi, është përgjegjësi dhe kërkon sakrifica e veprime kombëtare.

Me respekt e konsiderata të larta atdhetare !

Sekretari i Përgjithshëm i Këshillit Organizativ,

Mr. Gafurr ADILI.

Durrës, 14 Qershor 2008.