Kosova nuk është e OKB-së apo BE-së, por është e Shqipërisë!

Shkruan : Vehbi Rafuni

S'i një njeri i thjeshtë i këtij Trualli Shqiptar, që bile pak kam derdh gjak , dua ti shkruaj disa fjalë, rreth situatës aktuale në Trojet Shqiptare. Më lejoni t'i jap vetë-vetes të drejtë që të shkruaj në përgjithësi, dhe nëse e shihni që s'kam të drejtë, apo po shkruajë të pa vërteta i'u lutem që të distancoheni nga ky shkrim imi.

Marrë shkak për ta shfaqur në këtë shkrim mendimin tim lidhur me këto ngjarje që po ndodhin në Kosovë, dhe me ato që u deklaruan nga përfaqësues të OKB-së, të BE-së dhe të vetëquajturve përfaqësues të popullit, por jo të shumicës së popullit dhe shumë e shumë organizatave vendore e ndërkombëtare, si dhe individë të nomenklaturës siç janë Migjen Kelmendi, Nexhmedin Spahiu e shumë e shumë të tjerë, mos t'i numëroj se ka shumë të tillë.

Këto fjalë bombastike të lëshuara, nga këta udhëheqës ndërkombëtar, për Kosovën si shtet i pavarur dhe i mbikëqyrur dhe shumëetnik, me mbi 90% shqiptarë, e ka bazën te deklarimet e ndërkombëtarëve, kinse për një demokraci, të cilën po këta ndërkombëtarë, nuk kishin guxuar as me ja ua përmend popujve të tyre, e le më t'a aplikojnë atë, por në Atdheun tonë të dashur, ende gjinden individë, të cilët nuk njohin histori e identitet kombëtar, e as gjuhë e dinjitet, për të arritur poste e privilegje, si dhe interesa personale, duke harruar të kaluarën e lavdishme të po këtij populli, por duke harruar edhe të tashmen se si mund t'i mbyllin sytë para përbuzjes së jetës së dhënë të dëshmorëve, e që në panairin e librit në Prishtinë, i'u ndalua ekspozita e librave të UÇK-së, çka është masë e turpshme, është loja rreth avokatit të popullit, që jepen emrat e personave të dëshmuar, në krijimin e historisë ma të re kombëtare, duke e ditur se nuk mund të vendosin për një gjë të tillë, pa i pyetur ndërkombëtarët dhe shkiet, se a janë të pëlqimit për të, kjo është një lojë për të përfituar autoritet dhe kohë, për të qëndruar në pushtet dhe akoma nuk gjejnë forcë, që të jenë të sinqertë dhe të tregojnë se nuk i'u është lejuar propozimi për avokatin e popullit.

Se s'i e quani dhe e trajtoni Ju në një kor të përbashkët Kosovën brenda OKB-së dhe BE-së, apo të Këshillit Evropian, kjo është e drejta e Juaj individuale, por jo legjitime. E theksoj jo legjitime, sepse Ju të gjithë dita - ditës dhe hap pas hapi, duke ecur në rrugën e nisur nga paraardhësit Tuaj, edhe pse propagandoni me të madhe për Pavarësi të Kosovës, Ju po demaskoheni së bashku me bashkëpunëtorët e juaj vendorë.

Ju zotërinj të nderuar, po i përmbushni me përpikëri kërkesat e Beogradit, sepse me atë Beograd jeni lidhur përjetësisht dhe historikisht për interesa politike e ekonomike të kryeqyteteve nga Ju jeni nisur për të kryer këtë mision gjoja humanitar, sepse të vërtetën e hidhur të kësaj (Pavarësie të Kushtëzuar) po e ndiejmë dhe e përjetojmë ne shqiptarët konkretisht këtu në Kosovë.

Ju mund të na thoni duke na quajtur mosmirënjohës, për atë çka ka bërë NATO, Evropa dhe OKB-ja për Kosovën në këtë fundshekulli. E dimë që do ta thoni se - ne ju kemi çliruar. Por, po ua them më hapur se kurrë, se Kosovën e çliroi vetë Populli i Kosovës me UÇK-në e tij. Këtë duhet t'a kuptoni e ta fiksoni njëherë e përgjithmonë në mendjen tuaj, nëse e quani veten udhëheqës. Ua theksojmë këtë, sepse Ju si njerëz të mëdhenj që e quani veten, duhet ta kuptoni më së miri se Kosova, për NATO-n është aty ku ka qenë në shekuj, e po të deshte kjo NATO kaq e dashuruar pas Kosovës, do të duhej ta kishte çliruar me kohë, e sidomos kur Serbia ishte zënë në tri fronte lufte brendapërbrenda ish Jugosllavisë. Dhe, hapja e frontit të katërt, në Kosovë, krahas frontit te saj në Slloveni, në Kroaci dhe në Bosnje, do të ishte vdekjeprurëse për të, për Serbinë.

Mirëpo, Zotërinj të NATO pa faktorin brendshëm, pra UÇK-ën e lavdishme, që gjatë bombardimeve tuaja në Serbi, luajti rolin e trupave tokësore dhe NATO-s nuk iu vra asnjë ushtar por vriteshin djem e bijat e nënave shqiptare, mund të fillonte luftën, sepse kjo e fundit i nevojitej si forcë kryesore në realizimin e qëllimeve të saj, qëllime këto shumë të njohura për ju, por mos kujtoni dhe ëndërroni se nuk njihen nga ana e jonë.

Ne i njohim dhe i respektojmë këto interesa tuaja, sepse brenda këtyre interesave ne e kemi zgjidhur se do të zgjidhim qëllimin tonë strategjik. Për këtë ekzistojnë raporte të përbashkëta e të kuptueshme. Nëse këto prishen, dhe nëse këto imponohen kundër vullnetit të popullit nga ana e juaj, ne do të vazhdojmë misionin tonë drejt qëllimit tonë përfundimtar, qoftë edhe sikur të mos ngelet njeri i gjallë në këto troje shqiptare. Vetëm kështu ne çojmë deri në fund amanetin e të rënëve në luftën çlirimtare, të dëshmorëve të Kombit, betimi i të cilëve ishte çlirimi dhe bashkimi kombëtar. Dhe, u kujtua OKB-ja dhe Evropa, tani në këtë fundshekull të ndërhyjë në Kosovë për të ndihmuar shqiptarët. Jo zotërinj! Gaboheni dhe bile shumë rëndë. Edhe këtë herë për shpëtimin e shqiptarëve në Kosovë i'u erdhi ndihma, si dhe pas Luftës së Parë dhe të Dytë Botërore, nga përtej oqeanit, nga Washingtoni.

Zotërinj!

Populli shqiptar këtej e andej kufirit imagjinar, të krijuar në fillim të shekullit të kaluar, nga të parët e politikës së vendeve tuaja dhe të kësaj Evrope Plakë, që hiqet shumë e dashur me ne shqiptarët, e dinë dhe e njohin mirë historinë e zhvillimit të ngjarjeve. Ne shqiptarët e dimë që kjo Evropë në shekuj, jo vetëm që nuk i ka dashur shqiptarët, por në rrugë e mënyra të ndryshme, shumë herë edhe duke i kërcitur dhëmbët dhe armët, ka tentuar ta zhdukë si komb e si shtet Shqipërinë dhe shqiptarët e pushtuar e të kolonizuar nga pushtuesit e kolonizatorët sllavo-grekë.

Besoj zotërinj!

Se do të keni patur mundësi që ju të keni lexuar paksa historinë e këtij populli, në të cilën nëpërmjet diplomatit të madh e të njohur shqiptar Ismaj Qemajli, tregohet pothuajse haptazi dhe qartë, se çfarë deshi të bënte Evropa m'u aty në qendër të Parisit. Por, mjerisht kjo Evropa Plakë, po ja arrin me bë ate që s'e bëri atëherë në Paris, me ndihmën e disa institucioneve pakicë dhe kundër vullnetit të këtij populli. E dijë që do të ngulni këmbë e të thoni se gjithsesi po prapë kjo Evropë ju ruajti nga copëtimi dhe është po prapë kjo Evropë që erdhi në këtë fundshekull e i'u ndihmoi në luftë kundër regjimit më të urryer të Beogradit të vjetër e të ri.

Jo zotërinj !

Gaboheni nëse mendoni kështu

Po u theksojmë përsëri se, Shqipëria e shqiptarët për Evropën aty kanë qenë në shekuj, por kjo Evropë nuk u kujtua asnjëherë të na ndihmojë, veçse të na copëtojë për të na zhdukur krejtësisht nga harta e saj. Por, zotërinj, ju dhe paraardhësit tuaj, e dinë mirë se kush e shpëtoj Shqipërinë dhe shqiptarët. Ishte pra Presidenti i SHBA-ve, W.Wilson, i cili për 24 orë rresht refuzoi nënshkrimin për copëtimin e Shqipërisë pas Luftës së I - rë Botërore.

Ishte po i njëjti qëndrim i po të njëjtit vend, shtet dhe popull, pra i SHBA-ve, por nga një president tjetër, i cili këmbënguli më 1946 për të mos u copëtuar më tej shteti dhe kombi shqiptar nga grekët e vjetër dhe serbët e rinj "komunistë", që në fakt ishin neo-nazistë të maskuar me petkun e komunizmit. E në vazhdim të trajtimit të mendimeve tona lidhur me ato deklarata që lëshohen nga Ju, herë pas here e kohë pas kohe , për "Kosovën e Pavarur" e të kushtëzuar dhe shumë etnike, na duhet të theksojmë se në rrugën që keni nisur "I keni hipur kalit së prapthi", e në vend që të mbaheni nga freri, po mbaheni për bishtit të tij.

Ju zotërinj vendorë e ndërkombëtarë !

Ju që keni alergji ndaj historisë së kaluar dhe të tashme të kombit shqiptar, edhe sot e kësaj dite këto troje do të ishin nën sundimin e Beogradit, po mos te ishte e lavdishmja UÇK-ja dhe populli shqiptarë i të gjitha trojeve tona. Mirëpo, ju prapë duke folur për OKB-në dhe Evropën, do të nënvlerësoni tërthorazi, vlerat e popullit tonë ashtu siç keni vepruar deri tani ju dhe paraardhësit tuaj. Vlerat e OKB-së dhe Evropës i keni ngre në qiell. Mirëpo, e vërteta qëndron ndryshe, të cilën për fatin e mirë e keni përpiluar, shkruar dhe realizuar me dorën tuaj.

E theksova edhe më parë, se të gjitha këto organizma të sipërpërmendura këtu në Evropë, e së bashku me këtë Evropë këtu kanë qenë dhe për disa dekada kanë rrahur shuplaka e kanë brohoritur për dhunën që ka ushtruar Beogradi mbretëror dhe ai "komunist" gati për një shekull.

Prandaj, zgjidhja e çështjes shqiptare ka vetëm një rrugë. Ai është vet Faktori Shqiptar. Kush e do popullin shqiptar të mos propagandojë dita - ditës nga ma të ndryshmet me motive politike për interesa personale e partiake, se pa vullnetin shumicë të popullit shqiptar nuk do të ketë qetësi në Ballkan. Është një thënie e popullit që thotë: i mjerë është ai popull që liderët partiak ja lavdërojnë të huajt.