A ka fytyrë e vërteta...?

Të jesh serb në Kosovë do të thotë të jesh i mbrojtur nga qeveria vendore, ajo e Serbisë, UNMIK-u KFOR-i, dmth., ke imunitet, as nuk të kap ligji fare, nëse ka. Po shqiptari kujt t'i gëzohet ai, qeverisë që e josh me pallavra, e festa të llojllojshme...!?

Shkruan : Agim Vuniqi

Shqiptarët e përjetuan monizmin, diktaturën, komunizmin, tash po e jetojnë demokracinë e mëndafshtë, të butë, për shumicën e konzervuar, e hidhur, me afat të skaduar, ndërsa për pakicën lideriste, e ëmbël, plot para, me grykësi, aheng nate, fol e mos ba gjë. Si gjithherë kjo demokraci është e ethshëme për meritokracinë, ende pa u inaguruar gëzimi shtetëror shumica po e shohin veten "VIP" persona, edhe ambasadorë bile, nuk kanë edhe faj, ngase ky lezet i lirisë, pa ligj e pa përgjegjësi lansojë milionerët e parë të Kosovës, me më shumë zero. Liria aq shumë e pritshme u mbështjellë me mëndafshin korruptiv, dhe abuzimet e shumta në pushtet. Sigurisht që po të funksiononte drejtësia shumë nga bartësitë e vendeve udhëheqëse, por edhe zbatuesit e ligjit do t’a kishin vendin në strehimoren e kriminelëve-në burgje. Shumica e tyre janë abuzuesit, shkelësit dhe uzurpatorët e të ardhmes së Kosovës, ata janë fajtorët kryesor të kësaj gjendjeje mjeruese, serbët ledhatohen, për ta nuk ka rregulla, as kontrata pune. Të jesh serb në Kosovë do të thotë të jesh i mbrojtur nga qeveria vendore, ajo e Serbisë, UNMIK-u KFOR-i, dmth., ke imunitet, as nuk të kap ligji, nëse ka. Po shqiptari kujt t'i gëzohet ai, qeverisë që e josh me pallavra, e festa të llojllojshme! Po ata që uzurpuan tokën e Univerzitetit, kend e edukojnë ata, apo edhe më mirë nëse shkelin ligjin, kend e përfaqësojnë ata? Sigurisht që në të ardhmen do të publikohen raporte që do të pasqyrojnë aktet e tyre joligjore, që u sollën atyre përfitime enorme, por dëmtuan të ardhmen e qytetarëve.
Aq bukur u përshtat regjimi despotik i UNMIK-ut dhe ai i vendorëve (nga votat e kornizuara), duke lënë eksiq epshet e përbashkëta, por edhe duke lidhur miqësi të përhershme me dhëndurët e Kosovës. Idila e hajnave vendor dhe e atyre ndërkombëtarë fillojë që në fillim, pak nga pak duke përfshirë stafin ndërkombëtarë dhe atë vendor, dolën në syprinë shumë skandale dhe afera korruptive, në AKM, PTK, KEK dhe gati-pa gati, në të gjitha ministritë e pasluftës.

Kjo situatë u konvenonte “monarkëve” të UNMIK-ut, ngase ata kishin ardhur në Kosovë për të fituar, që është plotësisht normale, por ata të rrethuar nga zullumqarët vendor u aklimatizuan në rrafshin kosovar saqë i kordinuan aktivitetet "bamirëse". Të “fuqishmit” popullor që mezi jetonin ( njejtë si shumica tjetër shqiptare) u lansuan si “yje të biznesit patriotik”, atyre as që u interesonte pavarësia popullore, ngase atë materiale e shijonin gjithnjë e më shumë, ata krijuan regjimin e “faraonëve” pronarë të Kosovës, ku pjesa shumicë e Kosovës punonin për ta, duke ua dhuruar “haraqin” vjetor, të cilin e hargjonin denjësisht.

Deri sa shumica ëndërronte pavarësinë, tash e kanë, dhe çfarë ndryshimesh u bënë? Pakica pat filluar t’i vilte frytet e saj, menjëher pas lufte.

Procesi i zgjedhjeve që na solli përfaqësimin në tërsinë e tij, qysh nga propoganda deri ne votim ishte i përkohshëm (dyshoj edhe tash, sepse këto zgedhje u mbajtën nën patronatin e zbatuesve të rezolutës 1244), dhe logjikisht zgjedhjet e mbajtura në nëntor të vitit të kaluar mund të konsiderohen si zgjidhje para statusore, apo zgjedhje të dirigjuara nga UNMIK-u, zgjedhje me bazë kornizuese, të dala nga Korniza Kushtetuese. Ligjërisht kuvendarët e këtij legjislacioni pas hyrjes në fuqi të Kushtetutës së Kosovës, që pason nga Marrëveshja Ahtisaari, nuk do ta kenë bazën ligjore të përfaqësimit, menjëherë pas hyrjes në fuqi të Kushtetutës së Kosovës. 

Ky proces deri më tash ishte i manipuluar, ishte i blerë, që të bënë të dyshosh se politikanët dhe qeveritarët tanë nuk janë vendosur të përfaqësojnë interesat e popullit, por të atyre qe nëpërmjet manipulimeve dhe pagesave i sollën në pushtet. Shqiptarët e përjetuan monizmin, diktaturën, komunizmin, por edhe demokracinë para statutusore, por asnjëherë atë konstitucionale. E vërteta është se ajo kishte një fytyrë, ashtu çfarë ishte, shpeshherë përvluese, e deklaronte atë qe kishte dhe të përvlonte nëse kaloheshin caqet. Erdhi "demokracia". Dhe si të kuptohet kjo formë e demokracisë dhe e përfaqësimit që nuk ka burimin nga populli, dhe nuk buron nga sovrani-popull. Në fakt si në aspektin teorik edhe në atë praktikë zgjedhjet shërbejnë për t’u dëgjuar zëri i popullit, e këtë ia mundëson ligji zgjedhor, që ka bazën ligjore në Kushtetutë, si akti më i lart juridik i një shteti. Nuk ka demokraci sepse nuk kishte pjesmarrje të drejtëpërdrejtë vendimarrëse të popullit, kishte vetëm përfaqësim, ngase atë e kishte sovrani, PSSP-UNMIK-u.

Tash shtrohet pyetja çfarë sistemi sistemi politik dhe ekonomik ka Kosova? A  ka sistem ekonomik socialist apo kapitalist, mirë le të pranohet fakti se është sistem në konsolidim, nuk dihet ende kush është pronari, a menagjon me pronën publike shteti, nëse po atëherë le të deklarohemi se sistemi ynë është socialist, dmth., shkollimi është falas, shërbimi shëndetësor është falas gjithashtu, funksionon asistenca sociale, dmth shteti kujdeset për mirëqenjen e qytetarit, atij i siguron punë e benificione të tjera, por praktika flet ndryshe, flet për një sistem të çoroditur, kompanitë private, partitë politike, shoqatat joqeveritare, shërbimet sekrete, punojnë kesh, dhe ato nuk observohen as kontrollohen nga agjensionet tatimore, por as nga institucionet juridike të shtetit, dhe informatat që duhet domosdo të jenë publike, nuk janë. Nga njëra anë nuk lëmë gjë pa i thënë social-komunizmit, pronës shoqërore, nga ana tjetër nuk ofrohet ajo e cila i mungonte, prona legale private. Pra sistemet vijnë në përballje tek prona dhe pronari. Thjesht është ndërruar retorika dhe forma, nga pushtetarët komunistë pa pronësi u krijuan pushtetarët demokrat, shumë të pasur. Sistemet pra thehen tek prona dhe pronari, mendoj që është i saktë ky definim, apo jo? Demokracia në të vërtetë nuk ekziston në Kosovë, ngaqë nuk funksionon pushteti i së drejtës, i bazuar në ligj. Le të besojmë se pas hyrjes së Kushtetutës në fuqi gjërat do të ndryshojnë